ՀՀ արդարադատության նախարար Ռուստամ Բադասյանն Ազգային ժողովում կառավարության հետ հարցուպատասխանի ընթացքում անդրադարձավ հոկտեմբերի 27-ի ոճրագործության մասնակիցներից՝ Նաիրի Հունանյանի պայմանական վաղաժամկետ արձակման դիմումի մասին հարցին։
Բադասյանը նշեց, որ դիմումի հետ կապված հնարավոր է մի քանի սցենար:
«Համար առաջին սցենար. եթե պրոբացիայի ծառայությունը և քրեակատարողական ծառայությունը երկուսն էլ տալիս են դրական եզրակացություն, ապա համապատասխան միջնորդությունը ներկայացվում է դատարան։ Եթե երկու կառույցներից մեկը տալիս է դրական եզրակացություն, մեկը՝ բացասական, ապա դատապարտյալի գրավոր համաձայնությամբ հնարավոր է հարցը քննարկել դատական կարգով։ Եթե երկուսն էլ տալիս են բացասական եզրակացություն, ապա հարցի քննարկումը համարվում է մերժված։
Տվյալ դեպքում քրեակատարողական ծառայությունն արդեն իսկ բացասական եզրակացություն է տրվել։ Նկատի ունենալով, որ պրոբացիայի ծառայությունն առաջնորդվելու է նույն չափանիշներով, կարծում եմ՝ ելքը պարզ է»,- ասաց նախարար Բադասյանը։
Կարդացեք նաև՝ Նաիրի Հունանյանը դիմել է վաղաժամկետ ազատ արձակման խնդրանքով
Անդրանիկ Քոչարյանը՝ Նաիրի Հունանյանի մասին
Դիտեք նաև՝
