«Փաստինֆո»-ին հայտնի է դարձել, որ Տավուշի մարզի Ներքին Կարմիր աղբյուր գյուղի բնակիչ Վանիկ Ղուկասյանը երեկ հրազենային վնասվածք է ստացել և մահացել իր տան ուղղությամբ ադրբեջանական զինուժի կողմից երկարատև կրակահերթերի արդյունքում:
Մեր տեղեկություններով, ադրբեջանական դիքերից մի քանի ժամ շարունակ ինտենսիվ կրակահերթրի տակ է պահվել հայ հատկապես գյուղի այս տունը` հատուկ նպատակով` սպանել:
Վանիկ Ղուկասյանն ու իր կինը՝ Անահիտ Կամենդատյանը գտնվել են իրենց տան առաջին հարկի հյուրասենյակում: Ժամը 23:00-ի սահմաններում Վանիկ Ղուկասյանը ցանկացել է դուրս գալ տնից, բացել է հյուրասենյակի դուռը, բայց չի հասցրել դուրս գալ:
Ադրբեջանական հենակետերից արձակված կրակոցը դիպել է տան մուտքի դռանը, ապա` Վանիկ Ղուկասյանի կրցքավանդակի ձախ հատվածին: Ստացած հրազենային վնասվածքով Ղուկասյանի հարազատներն ու համագյուղացիները նրան հասցրել են Բերդի հիվանդանոց, որտեղ գիտակցության չգալով՝ նա մահացել է:
Ի դեպ, անգամ իրենց նպատակին հասնելուց` տանտիրոջն սպանելուց հետո, ադրբեջանցիները չեն դադարեցրել կրակոցները: Գրեթե ամբողջ գիշեր Ղուկասյանների տան ուղղությամբ ադրբեջանական հենակետերից ինտենսիվ կրակոցները շարունակվել են:
