Հունվարի 23-ին հրշեջ-փրկարարները արգելափակումից դուրս են բերել 60 նորակոչիկ տեղափոխվող «ՊԱԶ» մակնիշի 2 ավտոբուս:
ՏԿԱԻՆ-ում ժամը 22.24-ին ահազանգ է ստացվել, որ Սիսիան-Երեւան ավտոճանապարհի 30-րդ կմ-ում տեղի է ունեցել ՃՏՊ. անհրաժեշտ է օգնություն: Դեպքի վայր է մեկնել մեկ մարտական հաշվարկ:
Պարզվել է, որ դեռեւս չբացահայտված հանգամանքներում «ԶԻԼ-130» մակնիշի 12 ՕՕ 318 պետհամարանիշի ավտոմեքենան դուրս է եկել ճանապարհի երթեւեկելի մասից եւ կողաշրջվել. տուժածներ չկան:
Հրշեջ-փրկարարները «Սիսիանի ՃՇՇ» ՓԲԸ-ի կողմից տրամադրած հատուկ տեխնիկայի օգնությամբ ուղղել են ավտոմեքենան:
Վերադարձի ճանապարհին հրշեջ-փրկարարներն արգելափակումից դուրս են բերել նորակոչիկներ տեղափոխվող «ՊԱԶ» մակնիշի 2 ավտոբուս (60 ուղեւոր) եւ «ՎԱԶ-2106» մակնիշի ավտոմեքենա (2 ուղեւոր):
