Yerkir.am-ը       գրում է. Արդեն տեղեկացրել ենք, որ այսօր Հալաբյան փողոցում ժամը 21.51-ին ահազանգ է ստացվել, որ Երևանի Հալաբյան փողոցի թիվ 11 շենքի մոտ ավտոբուսում տեղի է ունեցել պայթյուն, կան տուժածներ՝ մեկ զոհ, 7 վիրավոր. անհրաժեշտ է օգնություն: Ավտոբուսը սպասարկել է 63 համարի երթուղին: Պարզվում է, ավտոբուսը պատկանել է «Քինգ Դելյուքս» ընկերությանը: Ընկերության տնօրեն Արթուր Հարությունյանը կայքի հետ զրույցում հայտնեց, որ ավտոբուսը եղել է սարքին, այն աշխատել է դիզվառելիքով: «Որ նայում եք, չե՞ք տեսնում, որ տենց պայթյուն չէր կարող լինել դիզվառելիքից…անմեղ մարդիկ տուժեցին…»,- անորոշ ասաց Հարությունյանը եւ հորդորեց սպասել մինչեւ կլինի մասնագետների կարծիքը: Ի դեպ, նա շարունակ հորդորում էլ լինել դեպքի վայրում, որտեղ ամեն ինչ «պարզ երեւում է»:

Նյութը՝ սկզբնաղբյուր կայքում