ԱԺ ԲՀԿ խմբակցության պատգամավոր Տիգրան Ուրիխանյանի՝ ՀՀ արդարադատության նախարար Արփինե Հովհաննիսյանին ուղղված հարցը վերաբերում էր ԴԱՀԿ-ի կոմղից քաղաքացու հաշիվների վրա արգելանք դնելուն:
«Դատական ակտերի հարկադիր կատարման ծառայությունը կատարողական վարույթի ավարտից հետո համապատասխան վարչական ակտերն ուղարկում է բանկային համակարգ՝ համապատասխան գումարի չափով վարչական խախտում կատարած քաղաքացու հաշիվների վրա արգելք դնելու համար: Ցանկանում եմ վստահեցնել, որ համակարգը բացառում է քաղաքացու հաշիվների վրա ամբողջական կալանք դնելու հնարավորությունը»,-պատասխանելով հարցին՝ հայտնեց ՀՀ արդարադատության նախարար Արփինե Հովհաննիսյանը.
Նախարարը տեղեկացրեց, որ առաջիկայում քաղաքացիները հնարավորություն կստանան նաև Tell Cell համակարգով վճարել վարչական ակտը և ստանալ արգելանքի կարճման մասին որոշումը.
«Քաղաքացու կողմից վարչական ակտը վճարելուց հետո ԴԱՀԿ-ն միանգամից համապատասխան ծանուցում է ուղարկում բանկային համակարգ՝ նրա հաշիվներից արգելանքը հանելու վերաբերյալ: Ասեմ, որ ԴԱՀԿ-ն չի կարող ուշացնել այդ գործընթացը, քանի որ համակարգն ամբողջովին ավտոմատ է գործում»,-նշեց Արփինե Հովհաննիսյանը: