Ինֆորմացիայի ազատության կենտրոնի (ԻԱԿ) իրավաբանական ծրագրերի ղեկավար Գևորգ Հայրապետյանը ներկայացրեց պաշտոնյաների ու կառույցների, որոնք հայտնվել են ԻԱԿ-ի 2014 թվականի «Սև ցուցակում»:
Այս տարվա «Սև ցուցակ»-ը երկու մասից է բաղկացած.պաշտոնյաներ, որոնք խախտել են մարդկանց տեղեկատվություն ստանալու իրավունքը: Առանձին ներկայացրել ենք նաև այն պաշտոնյաներին, ովքեր խախտել են Տեղեկատվության ազատության մասին օրենքով սահմանված տեղեկություն տրամադրելու ժամկետները: Ժամկետները խախտելու առումով 15 օրացույցային օր ենք հաշվել, որովհետև միշտ էլ 1-2 օրվա մեջ հնարավոր են խելամիտ պատճառաբանություններ, թե ոչ աշխատանքային օրեր էին և այլն,-լրագրողների հետ հանդիպման ժամանակ ասաց Գևորգ Հայրապետյանը՝ հավելելով, որ «Սև ցուցակում» միայն 18 պաշտոնյա ներառվել է Տեղեկատվություն ստանալու իրավունքը խախտելու համար, 8 պաշտոնյա էլ ժամկետներն է խախտել:
Բանախոսի փոխանցմամբ՝ Տեղական ինքնակառավարման մարմինները «Սև ցուցակում» են հայտնվել՝ հարցումներն անպատասխան թողնելու համար:
«Սա, միգուցե, խոսում է հրապարակային աշխատելու մշակույթի բացակայությամբ, կամ էլ դիտավորյալ են անտեսել հարցումը: Ինչ վերաբերում է նախարարություններին, նրանք ցուցակում հայտնվում են անհիմն պատասխանների համար: Պատասխանը տրամադրում են, թվում է, թե մերժում չկա, բայց տեքստն իրականում հարցման պատասխանը չէ»,-նկատեց Ինֆորմացիայի ազատության կենտրոնի (ԻԱԿ) իրավաբանական ծրագրերի ղեկավարը:
«Սև ցուցակում» են հայտնվել նաև համալսարաններ.
«Մեկը ԵՊԼՀ-ն է: Մենք պատասխան չէինք ստացել և դատական գործ նախաձեռնեցինք համալսարանի դեմ: Կեսից պատասխանը ուղարկեցին»,-ասաց Գևորգ Հայրապետյանը:
Այսպիսով՝ մարդկանց տեղեկատվություն ստանալու իրավունքը 2014թ.-ի ընթացքում խախտել են հետևյալ անձինք.
Ռոբերտ Գրիգորյան - Մեծամորի քաղաքապետ
Վանուշ Ամրիաղյան - Նոյեմբերյանի քաղաքապետ
Վարդան Հովհաննիսյան - Ջերմուկի քաղաքապետ
Գագիկ Խաչատրյան - ՀՀ ֆինանսների նախարար
Գագիկ Մաթեւոսյան - Նոր Հաճնի քաղաքապետ
Կարեն Գրիգորյան - Էջմիածնի քաղաքապետ
Գագիկ Մուրադյան - Արտաշատի քաղաքապետ
Սամվել Բալասանյան - Գյումրիի քաղաքապետ
Գորիկ Հակոբյան - ՀՀ ԿԱ ազգային անվտանգության ծառայության տնօրեն
Արտյոմ Մովսեսյան - ՀՀ ԿԱ քաղաքացիական ավիացիայի գլխավոր վարչության պետ
Գայանե Գասպարյան - Երեւանի Վ. Բրյուսովի անվան լեզվահասարակագիտական համալսարանի ռեկտոր
Ժան-Ժակ Մոնտուա - Հայաստանում ֆրանսիական համալսարանի ռեկտոր
Զավեն Սարգսյան - Երեւանի «Մեսրոպ Մաշտոցի անվան» համալսարանի ռեկտոր
Հենրիկ Սարգսյանին -«Գալիք» համալսարանի ռեկտորի պաշտոնակատար
Կորյուն Աթոյան - Հայաստանի պետական տնտեսագիտական համալսարանի ռեկտոր
Սեյրան Օհանյան - ՀՀ պաշտպանության նախարար
Հասմիկ Պողոսյան - ՀՀ մշակույթի նախարար
Նորայր Մուրադխանյան - ՀՀ ոստիկանության անձնագրային և վիզաների վարչության պետ
ՏԱ ժամկետներն էականորեն խախտած պաշտոնյաներն են՝
Արմեն Երիցյան - ՀՀ տարածքային կառավարման և արտակարգ իրավիճակների նախարար
Տիկին Հասմիկ Պողոսյան - ՀՀ մշակույթի նախարար
Գուրգեն Մարտիրոսյան - Գավառի քաղաքապետ
Հայկազ Խաչիկյան - Ախթալայի քաղաքապետ
Գագիկ Խաչատրյան - ՀՀ ֆինանսների նախարար
Միհրան Պողոսյան - ՀՀ գլխավոր հարկադիր կատարող
Սեյրան Օհանյան - ՀՀ պաշտպանության նախարար
Արմեն Դարբինյանին - Ռուս-հայկական (սլավոնական) համալսարանի ռեկտոր
Անի Կարապետյան
