Արդեն տեղեկացրել ենք Երևանի Աբելյան փողոցում տեղի ունեցած դաժան սպանության մասին:
Asekose.am զանգահարած Վազգեն Դալլաքյանի ընկերը հերքում է տարբեր լրատվամիջոցներում տարածված այն տեղեկությունները, թե հանվել են նաև սպանվողի աչքերը:
«Նման բան չկա, ես վստահեցնում եմ և խնդրում եմ, որպեսզի այդպիսի սուտ տեղեկություններ չտարածվեն»,-ասաց մեզ զանգահարողը:
Աբելյան փողոցում դաժան սպանության գործով ոստիկանություն է ներկայացել Գագիկ Ա.-ն՝ խոստովանելով, որ Վ.Դալլաքյանին և Արման Ա.-ին ինքն է դանակահարել: Այս մասին տեղեկանում ենք ոստիկանության մամուլի ծառայությունից:
«Ինչպես տեղեկացրել էինք՝ հունվարի 19-ին, ժամը 00.05-ին, ոստիկանության Մաշտոցի բաժնում ահազանգ էր ստացվել, որ Աբելյան փողոցի 3 շենքի 1-ին հարկում դանակահարված մարդ կա:
Մեկնած օպերատիվ խումբը պարզել էր, որ հունվարի 18-ին, ժամը 23.40-ի սահմաններում, Աբելյան փողոցի շենքերից մեկի 3-րդ հարկի հարթակում, կենցաղային հարցերի շուրջ առաջացած վեճաբանության ժամանակ, 1988 թ. ծնված Գագիկ Ա.-ն դանակով հարվածել է 1987 թ. ծնված Արման Ա.-ի ձեռքին` պատճառելով վնասվածք և 1988 թ. ծնված Վազգեն Դալլաքյանի կրծքավանդակի, թիկունքի և դեմքի շրջաններին, ինչի հետևանքով վերջինս մահացել է:
Հունվարի 19-ին, ժամը 18.35-ին, Գագիկ Ա.-ն ներկայացել է քննչական բաժին և հայտնել, որ հունվարի 18-ին, ժամը 23.55-ին, Աբելյան փողոցի 3 շենքում Վ. Դալլաքյանին և Արման Ա.-ին ինքն է դանակահարել, ինչի հետևանքով Վ. Դալլաքյանը մահացել է, իսկ Արման Ա.-ն ստացվել է մարմնական վնասվածքներ:
Քննությունը շարունակվում է»,- ասված է ոստիկանության մամուլի ծառայությունից:
Նշենք նաև Աբելյան փողոցում դաժան սպանության գործով ոստիկանություն է ներկայացել Գագիկ Ա.-ն՝ խոստովանելով, որ Վ.Դալլաքյանին և Արման Ա.-ին ինքն է դանակահարել: Այս մասին տեղեկանում ենք ոստիկանության մամուլի ծառայությունից:
Հունվարի 19-ին, ժամը 18.35-ին, Գագիկ Ա.-ն ներկայացել է քննչական բաժին և հայտնել, որ հունվարի 18-ին, ժամը 23.55-ին, Աբելյան փողոցի 3 շենքում Վ. Դալլաքյանին և Արման Ա.-ին ինքն է դանակահարել, ինչի հետևանքով Վ. Դալլաքյանը մահացել է, իսկ Արման Ա.-ն ստացվել է մարմնական վնասվածքներ:
Քննությունը շարունակվում է»,- հայտնում է ոստիկանության մամուլի ծառայությունը:
