▲ Դեպի վեր

ՎԵՐՋԻՆ ԼՈւՐԵՐԸ

Սպիտակներից մինչև սևեր, բաց դռներից մինչև փակ թեմաներ

Ո՞ր մարզաձևում են լավագույնը դրսևորում հայերը. Հարցում Երևանում

Քվեարկեցի. մեկնում եմ Նյու Յորք. Նիկոլ Փաշինյան

Մտածում ես՝ վախ մամա ջան, այդ ինչպես ենք դրա միջով անցել, հարազատներին կորցնելու վախ կար. Թամարա Պետրոսյան

Ադրբեջանցիներին անակնկալ է սպասվում.Ճոյտը խաղաղության կոչով ֆիլմն է տանում այնտեղ



2017-11-22 20:56:00

Այսօր տեղի ունեցավ ԱԺ նախկին պատգամավոր Հակոբ Հակոբյանի(Ճոյտ) «Մենք հարևաններ ենք» ֆիլմի փակ ցուցադրությունը.ներկա էին դերասաններ, լրագրողներ: Ֆիլմը հայ և ադրբեջանցի հարևանների մասին է, որոնք ապրել են Հայաստանում, հետագայում՝ 1988 թվականին,  ադրբեջանցին գնացել է Հայաստանից: Տարիներ անց՝ 2016 թվականի ապրիլին՝ պատերազմի ժամանակ, հանդիպում են նրանց թոռները, որոնց միջոցով հետո հեռախոսներով միմյանց հետ կապ են հաստատում նախկին հարևանները: Ֆիլմն ավարտվում է անորոշությամբ:

«Ես խաղաղության կողմնակից եմ, կարծում եմ՝ քաղաքական մեծամասնությունը նույնպես: Մենք երբևէ չենք ասել, որ պետք է պատերազմենք: Մենք խաղաղության ու պաշտպանվելու կողմնակից ենք: Փորձելու ենք ֆիլմն Ադրբեջանում էլ ցույց տալ: Մինչ այդ՝ դեկտեմբերին կցուցադրվի Երևանի կինոթատրոններում»,-լրագրողների հետ զրույցում ասաց Հակոբ Հակոբյանը:

Asekose.am-ի թղթակցի հարցին՝ ի՞նչ էր նշանակում ֆիլմի սկզբում գրված ՝ «Ֆիլմն արգելվում է դիտել կեղծ հայրենասերներին» նախադասությունը, ԱԺ նախկին պատգամավորը պատասխանեց. «Կեղծ են նրանք, ովքեր կփորձեն անձնական նպատակներն առաջ տանել, ժողովուրդներին պատերազմի մղել»: Հակոբ Հակոբյանը տեղեկացրեց, որ առաջիկայում ևս 2 ֆիլմ կնկարի. «Մեկը երգիծանք է՝ նվիրված կաշառակերությանը, մյուսը կրկին հայ-ադրբեջանական հակամարտության մասին է: Կաշառակերության մասին ֆիլմում պապին հրեշտակը կյանք է տալիս, սա գալիս անարդարներին, կաշառակերներին թուրքի գլխարկով է տեսնում, մենք՝ սովորական.նա գրգռվում է ու սկսում արկածների մեջ ընկնել»,-սցենարից մի փոքրիկ հատված գաղտնազերծեց նախկին պատգամավորը:

Խաղաղասեր սցենարիստից բացի կարողացանք զրուցել նաև գաղափարակից դերասանների՝ ադրբեջանցի ամուսինների դերում հանդես եկող Արսինե Նավասարդյանի ու Ռազմիկ Խոսրոևի հետ:

Հարցին՝ ինչպե՞ս են վերաբերում հայերի ու ադրբեջանցիների բարեկամությանը, դա հնարավոր համարում են, Արսինե Նավասարդյանն ասաց, որ հուզված է, կդժվարանա պատասխանել: Բայց այդ տարիները կարծես հարազատ են իրեն: «Կուզենամ, որ աշխարհում բոլորն ապրեն իբրև հարևաններ, թե չէ՝ չգիտես ինչո՞ւ մարդը քանդում է տարիներով ստեղծածը»:

«Ես հասկանում եմ, որ հրադադարը դեռ պատերազմի ավարտ չէ, բայց ինձ հետաքրքրեց մարդկային ճակատագիրը, որը ներկայացված էր սցենարում: Ես ծառայել եմ Աֆղանստանում, մի թուրք փրկեց իմ կյանքը այդ ժամանակ: Պետք է ֆիլմը դիտել մարդկային ճակատագրի կոնտեքստում, ոչ՝ հակամարտության: Երևի մեկ նախադասություն է պակասում ֆիլմում՝ «Անիծվի՛ պատերազմը»,-նկատեց Ռազմիկ Խոսրոևը:

Անի Կարապետյան







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.