ԱԺ հատուկ նիստին Նիկոլ Փաշինյանը, պատասխանելով ՀՀԿ պատգամավոր Արման Սաղաթելյանի հարցին, թե սոցցանցերում շրջանառվում է մի ինֆորմացիա` Նիկոլ Փաշինյանը լուսանկարով, որտեղ պատգամավորը «Հայկական ժամանակ» թերթի 2001թ. հրապարակման մեջ խոսում է ՀՀ կողմից օկուպացված տարածքների մասին։
«Ինձ զարմացնում է, որ մեր երկրում կան մարդիկ, ովքեր իլյուզիաներ ունեն գրավյալ, եթե կուզեք՝ ազատագրված, եթե կուզեք օկուպացված տարածքների վերաբերյալ։ Ես չեմ ընդունում այն տեսակետը, թե լավ դիվանագիտությունը կարող է այնպես անել, որ այդ տարածքները չվերադարձվեն Ադրբեջանին։ Մերը թողած, ուզում ենք տերը լինել ուրիշի»,-մեջբերում է արել Արման Սաղաթելյանն ու ասել է, որ փորձում է հասկանալ՝ արդյոք այսօր ևս վարչապետի թեկնածուն նույն կարծիքի է։
«Պարոն Սաղաթելյան, արդեն տեւական ժամանակ է` իմ նկարով շրջանառության է մեջ է դրվել այդ հրապարակումը սոցիալական ցանցերում ու այս ընթացքում ես տասնհինգ անգամ հերքել եմ այդ տեղեկությունը` տեղադրելով «Հայկական ժամանակ»-ի նույն թվականի հրապարակման իրական լուսապատճենը, որտեղ ձեր ասած որեւէ նախադասություն գոյություն չունի։ Դե, ակտիվ լինելով սոցցանցերում, տեղյակ եք իմ հերքումների մասին, այդ հրապարակումների մասին ու հիմա, երբ նման հարցեր եք տալիս ու դեզինֆորմացիներ եք տարածում, դա նշանակում է, որ դուք ու ձեր թիմն է դրա հետևում կանգնած։ Ձեզ կոչ եմ անում դադարեցնել դոզինֆորմացիայի տարածումը։ Իմ տեղեկություններով ՀՀԿ որոշ շրջանակներ ԼՂ հետ կապված որոշ հայտարարություններ վերագրում են ինձ, հատուկ ալգորիթմներով տարածում են ԼՂ բնակիչների շրջանակներում, ու սա արվում է ներազգային զարթոնքը կասեցնելու համար։ Ուզում եմ հիշեցնել, որ ես ապրիլյան դեպքերից հետո հավաքել եմ տակառ, մեկնել դիրքեր, քնել այնտեղ, փորել խրամատներ ու իմ պարտքը կատարել հայրենիքի նկատմամբ։ Հիմա որեւէ մեկը, եթե կփորձի իմ գործունեությունը այլ լույսի ներքո ներկայացնել, ես դա ներկայացնեմ բոլորովին այլ լույսի ներքո»։
Ի պատասխան Արման Սաղաթելյանը նշել է. «Մենք դեռ ժամանակ կունենանք միասին քննարկել մանիպուլյատիվ տեխնոլոգիաների կիրառման խնդիրները։ Նաեւ ուզում եմ իմանալ` ինչ եք հասկանում փոխզիջում ասելով»:
Նիկոլ Փաշինյանն էլ ասել . «Ելքի նախընտրած ծրագրում գրված է` փոխզիջման մասին խոսելը, երբ Ադրբեջանը սպառնում է վերացնել հայկական պետականությունը, տարօրինակ է ու հիմա միայն կարելի է խոսել պաշտպանողականությունը բարձրացնելու մասին»։
Կարդացեք նաև՝ Ինչ անեք, մեղքը ձեր վիզ ա մնալու, կրակի հետ խաղ մի արեք. Սասուն Միքայելյան Ընչի իմեննոյ դու, հորս արև, բա ընդդիմադիր ո՞վ կլինի, մենակ կմնամ ես. Սեյրան Սարոյանը՝ Փաշինյանին
Հայհոյանքով ու շանտաժո՞վ եք ուզում, որ իմ դիրքորոշումը փոխեմ... Արփինե Հովհաննիսյան
Հիմա ո՞նց եք պատկերացնում, ո՞ր սկզբունքներով ենք առաջնորդվելու.Միհրան Հակոբյան
Ասում եք՝ ժողովրդավարություն, ժողովուրդը հենա՝ վարելով գալիս ա. Արարատ Զուրաբյան
Չեմ ուզում՝Փաշինյանը, որ դարձավ հայկական Մանդելա, հանկարծ դառնա Հայաստանի վերջին վարչապետ. Աշոտյան
Ես վտանգի կանխազգացում ունեմ...Աղվան Վարդանյանը չի քվեարկի Նիկոլ Փաշինյանի օգտին
Չեմ ուզում, որ իմ և ձեր երեխաներն ապրեն ձեր ապականած իմ հայրենիքում. Նաիրա Զոհրաբյան
Արա Բաբլոյանն ի նշան բողոքի՝ 10 րոպեով լքեց դահլիճը
ԱԺ ամբիոնից Նիկոլ Փաշինյանի ելույթի հիմնական թեզերը
Ես 15 անգամ հերքել եմ այդ տեղեկությունը...Նիկոլ Փաշինյանն՝ Արման Սաղաթելյանին
