Ի՞նչ եք մտածում, որ ժողովուրդը պարտվեց, մենք շարունակելու ենք քաղաքականությա՞մբ զբաղվել.Արամ Սարգսյան

2018-05-01 16:16:20

«Ուզում եմ շարունակել աչքերի մեջ նայելու թեման: Ես բոլորի աչքերի մեջ անկեղծ եմ նայել: Սկսած Արմենից Աշոտյանից, Արտաշես Գեղամյանից, ում հետ 2004թ.-ին ապրիլի 12 եմ անցել, երևանցի տղու նման կռիվ է արել ոստիկանի հետ ու չի փախել, վերջացրած Արտակ Զեյնալյանով, Սասուն Միքայելյանով: Ում մասին ինչ մտածել եմ՝ ուղիղ եմ ասել, ներառյալ Նիկոլ Փաշինյանին: Մենք խոսում ենք ամեն ինչից, բայց ոչ այսօրվա իրավիճակից, որն ամենակարևորն է: Մենք չենք փորձում գտնել ելքեր, մոռանում ենք, որ ելք կա նաև փողոցում, որտեղ հարյուր հազարավոր մարդիկ հավաքվել են»,-Ազգային ժողովի հատուկ նիստում վարչապետի ընտրության հարցի քննարկման ժամանակ ելույթում ասաց «Ելք» խմբակցության պատգամավոր Արամ Սարգսյանը:

Նրա խոսքով՝ այսօրվա իրավիճակը խախտված իրավունքների, ընտրական իրավունքի խախտման հետևանք է: «Նիկոլ Փաշինյանն այն մարդն է, ում անունն այսօր ամբողջ աշխարհի հայությունը տալիս է ամենաշատը: Ինքն է այն մարդը, ով կարող է գառանտ լինել, որ կարող է արդար ընտրություն լինել: Լավ բժիշկ չի, լավ տրանսպորտնիկ չի, բայց լավ գառանտ է: Եկեք ընդունենք, որ մենք լուրջ տնտեսական, աշխարհաքաղաքական կախվածություն ունենք։ Իսկ ո՞ր դեպքում ենք լուծում, երբ ինքնիշխան ենք, երբ ունենք ընտրված իշխանություններ»,- նշեց Արամ Սարգսյանը՝ հավելելով.

«Ի՞նչ եք մտածում, որ ժողովուրդը պարտվեց, մենք շարունակելու ենք քաղաքականությա՞մբ զբաղվել. լուծումը զենքի դաշտում է մնալու, մարդը մտածելու է, որ այսքան մարդ փողոց հանելով՝ հնարավոր չի խնդիր լուծել, չարությունն այլ բանալի է գտնելու»,- նշեց Արամ Սարգսյանը: «Խնդրում եմ, հանրապետականնե՛ր՝ որպես ձեր նախկին վարչապետ, որպես նախկին վարչապետի փոքր եղբայր, մտածե՛ք կոճակը սեղմելուց առաջ»:

Կարդացեք նաև՝ Ինչ անեք, մեղքը ձեր վիզ ա մնալու, կրակի հետ խաղ մի արեք. Սասուն Միքայելյան Ընչի իմեննոյ դու, հորս արև, բա ընդդիմադիր ո՞վ կլինի, մենակ կմնամ ես. Սեյրան Սարոյանը՝ Փաշինյանին