Հիմա ո՞նց եք պատկերացնում, ո՞ր սկզբունքներով ենք առաջնորդվելու.Միհրան Հակոբյան

ԱԺ ՀՀԿ խմբակցության պատգամավոր Միհրան Հակոբյանը ԱԺ հատուկ նիստում արձանագրեց, որ Նիկոլ Փաշինյանը երեկ և այսօր հետ քայլ է արել նախկինում արած իր մի շարք հայտարարություններից: «Ասում է, որ հիմա՝ որպես վարչապետի թեկնածու, ստիպած է հաշվի նստել այլ իրողությունների հետ: Փաշինյանի նման մոտեցումները, իհարկե, ընդունելի կլինեին, եթե իր կողմից հնչեցրած նախկին և ներկայումս արված հայտարարությունները լինեին տարբեր իրողությունների առկայության պարագայում: ՀՀ-ն հիմա էլ, 1 տարի առաջ էլ, 5 տարի առաջ էլ, 20 տարի առաջ էլ եղել է ՌԴ ռազմավարական դաշնակիցը: Մեր տնտեսությունը, քաղաքականությունը, անգամ սոցիալական հարաբերություններն ամուր թելերով կապված էին ՌԴ-ի հետ, ինչը գիտակցել են բոլոր իշխանությունները, գիտակցել են և ձգտել խորացնել հարաբերությունները Մոսկվայի հետ: Մի քանի ամիս առաջ պարոն Փաշինյանը խորհրդարանի փոքր խմբակցության ղեկավարն էր, իսկ հիմա հեղափոխական ճանապարհով փորձում է հասնել երկրի ղեկավարի ճանապարհին: Հիմա ո՞նց եք պատկերացնում, ո՞ր սկզբունքներով ենք առաջնորդվելու՝ փոխված իրողություններ՞ի, թե՞ իրականության, չէ՞ որ իրականությունը մի փոքր այլ է: Մի կողմից պարոն Փաշինյանն ասում է, որ, այո՛, պետք է հաշվի նստել իրողության հետ, մյուս կողմից հանրահավաքի հարթակին նրա կողքին կանգնած մարդիկ մարգինալ հակառուսական ելույթներ են ունենում»,- ասաց նա:

Կարդացեք նաև՝ Ինչ անեք, մեղքը ձեր վիզ ա մնալու, կրակի հետ խաղ մի արեք. Սասուն Միքայելյան Ընչի իմեննոյ դու, հորս արև, բա ընդդիմադիր ո՞վ կլինի, մենակ կմնամ ես. Սեյրան Սարոյանը՝ Փաշինյանին