▲ Դեպի վեր

ՎԵՐՋԻՆ ԼՈւՐԵՐԸ

Լուսին Վարդանյանն իր ծնողների՝ ամուսնուն դեմ լինելու, իրենց բաժանման, հանուն սիրո միանալու մասին և ոչ միայն

Ես նման տեղեկություն չունեմ. Սենոր Հասրաթյանը` Լևոն Մնացականյանի պաշտոնից ազատվելու լուրերի մասին

Հայ ծնողների կողմից Ռուսաստանում լքված 3 ամսական փոքրիկը տեղափոխվեց Հայաստան

Անձնական նկատառումներով եմ դուրս եկել Հ1-ից` այդ նյութն ամբողջովին զրպարտանք է. Ալեքսանդր Հակոբյան

Դավիթ Տոնոյանը չի բացառում հայ-ռուսական միջպետական պայմանագրի որոշ դրույթների վերանայումը



2018-07-22 22:25:41

Չի բացառվում Հայաստանի Հանրապետության եւ Ռուսաստանի Դաշնության միջեւ ՀՀ տարածքում գտնվող ՌԴ սահմանապահ զորքերի կարգավիճակի մասին պայմանագրի որոշ դրույթների վերանայումը. այս մասին այսօր Փանիկում ասել է ՀՀ պաշտպանության նախարար Դավիթ Տոնոյանը՝ լրագրողների հետ ճեպազրույցի ժամանակ: «Դրանք քարի վրա գրված փաստաթղթեր չեն, և ժամանակի ընթացքում առաջանում են բավականին խնդիրներ, որոնք պահանջում են պայմանագրային իրավական փոփոխություններ: Իհարկե դա արվելու է»,- նշել է նախարարը՝ հավելելով, որ օրերս Փանիկում տեղի ունեցած միջադեպը կարող է խթան հանդիսանալ որոշ փոփոխությունների կատարմանը:

Բացի դրանից, նախարարը տեղեկացրել է, որ  Ռուսաստանն ամբողջությամբ Հայաստանին է տրամադրել 200 մլն դոլարի վարկային համաձայնագրերով նախատեսված սպառազինությունը:

 

 

 

 

 

 

 

 

 

«200 մլն դոլարի դիմաց տրամադրած զենք-զինամթերքը  ժամանակակից,  արդիական, անգամ ՌԴ սպառազինության մեջ  չգտնվող սպառազինություն է»,- հավելել է Դավիթ Տոնոյանը:   

Հիշեցնենք, որ  Դավիթ Տոնոյանն այսօր Փանիկում փակ հանդիպում է անցկացրել ՌԴ 102-րդ ռազմակայանի հրամանատարի հետ և հանդիպումից հետո Փանիկի դեպքերի մասին հայտարարել, որ Փանիկ գյուղում հուլիսի 17֊ին տեղի ունեցած միջադեպի հետ կապված իրենց մեղքի բաժինն ունեն թե՛ ռուսական, և թե՛ հայկական կողմը: 

 

 

 

 

 

 

 

Հիշեցնենք նաև, որ հուլիսի 17-ին ՌԴ 102-րդ ռազմաբազայի ստորաբաժանումները, առանց զգուշացման եւ առանց փաստաթղթերի, մտել են Շիրակի մարզի Փանիկ գյուղ եւ զորավարժանք իրականացրել: Պայթյուններ եւ կրակոցներ են հնչել: Ավելի ուշ ռուսական ռազմաբազայի պաշտոնյան ներողություն է խնդրել առանց զգուշացման զինավարժություն անցկացնելու համար:  Իսկ արդեն երեկ  102-րդ ռազմակայանի հրամանատար, գնդապետ Վլադիմիր Ելկանովը Գյումրիում կլոր սեղան-քննարկման ժամանակ հայտարարել էր, որ  որ հրաձգություն տեղի չի ունեցել, այլ եղել է հրաձգության իմիտացիա: «Փանիկ գյուղում ոչինչ տեղի չի ունեցել: Իրականացվել են մարտական պատրաստության պլանային միջոցառումներ, որոնք համաձայնեցվել են հայկական կողմի հետ»,- ասել էր Ելկանովը:

Հավելենք, որ Կառավարության նիստի ժամանակ ՀՀ վարչապետ Նիկոլ Փաշինյանը, անդրադառնալով Փանիկ գյուղում տեղի ունեցած միջադեպին,ասել էր.  «Ես ուզում եմ հստակ արձանագրել, որ դա անթույլատրելի միջադեպ է, և ես դա համարում եմ սադրանք՝ ընդդեմ հայ-ռուսական բարեկամական հարաբերությունների եւ սադրանք՝ ընդդեմ Հայաստանի ինքնիշխանության»:

Կարդացեք նաև՝ Իրենց մեղքի բաժինն ունեն թե՛ ռուսական, և թե՛ հայկական կողմը. հանդիպել են Դավիթ Տոնոյանն ու 102-րդ ռազմաբազայի հրամանատարը

Սադրանք է ընդդեմ հայ-ռուսական հարաբերությունների և ընդդեմ ՀՀ ինքնիշխանության. Փաշինյանը՝ Փանիկի դեպքի մասին

Կարդացեք նաև՝ «Փանիկ գյուղում ոչինչ տեղի չի ունեցել». 102-րդ ռազմակայանի հրամանատար







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.