▲ Դեպի վեր

ՎԵՐՋԻՆ ԼՈւՐԵՐԸ

Միջազգային գործընկերները պետք է արձանագրեն՝ ՀՀ-ի հետ չեն լինելու հարաբերություններ, որին իրենք սովոր են․ Փաշինյանը՝ Բելառուսի մասին

Չեմ փորձում անել դա՝ հաճոյանալով ինչ-որ մեկին. Արևիկ Առաքելյանը՝ իր ցուցադրության և հայկական գործեր չներկայացնելու մասին

«Խոպանչիներին» հարկելու գաղափարը սխալ է ընկալվել. Արարատ Միրզոյան

Դեմները բացեք էդ մարդկանց ... Նիկոլ Փաշինյանն՝ իր թիկնապահներին

Բոսֆորը հիշողություն չունի...



2018-08-15 12:56:34

Ես էի, Բոսֆորը, կիսալուսինը ու մթության մեջ

կինոժապավենի պես անցնող պատմական հիշողությունը ՝ սկսած մեծ մորս լալահառաչ պատմությունից մինչև գրադարակներում իրար հետևից շարված Հայոց մեծ եղեռնի դժնիության մասին պատմող մեծ ու փոքր գրքերի պատմություններն ու զրույցները ... Բոսֆորը հիշողություն չունի. իր փոխարեն ես էի հիշում իր ջրերի վրա ու ափերին տեղի ունեցածը:

 

 

 

 

 

 

 

Ես սովորական զբոսաշրջիկ չէի, որ եկել է վայելելու աշխարհի ճիշտ կենտրոնում գտնվող համաշխարհային մայրաքաղաքի գեղեցկություններն ու թովչանքը:

Այդ բոլորը ապրելու ու վայելելու համար ինձ խանգարում է մի շատ կարևոր բան, հիշողության, իմ հավաքական հիշողության գոյությունը, որը «Բոսֆոր»՚ արտասանելիս տակնուվրա է լինում , իսկ Բոսֆորի խաղաղ ու վետվետուն կայլակները նմանվում են գեղեցիկ ու անհուշ մանկան , որ երբեք չի ծերանում, որովհետև իր համար միևնույնն է, թե ով է իր ափերին տիրում, զվարճանում , վայելում, ըմբոշխնում իր տիեզերական անափ հմայքը...

 

 

 

 

 

 

Իսկ ես՝ այդ հրաշափառ քաղաքի քարը քարին դնող շինարարների պես նույն արյան բաղադրությունն եմ կրում, այդտեղ մեղեդիներ հյուսող ու հնչեցնողների պես եմ աշխարհի ձայները լսել, խոսել, այնտեղի վարպետ-արհեստավորների գեղագետ հայացքով տեսել ամենահասարակ իրը, բայց իրենք... իրենք հիմա չկան ..այնինչ կարող էին այստեղ ապրել, արարել, ստեղծագործել...ոչ թե զգուշավոր ու վախվորած՝ տարիներ ու տասնամյակներ շարունակ թաքուն կամ բացահայտ փախչել...

Իսկ Բոսֆորը հիշողություն չունի, նա բացել է իր գեղեցիկ ափերը Արևելքից ու Արևմուտքից եկողների առաջ ՝ որպես անմրցելի տիեզերական գեղեցկուհի...մանավանդ գիշերային անդորրի մեջ իր հմայքը աննկարագրելի է...

 

Սոսե Ղլեջյան

Ստամբուլ-Երևան







Нравится





Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:

Լրահոս

На следующий день я пришел в редакцию с большим советским фотоаппаратом. Эта камера снимала на широкую пленку. На каждом пленке можно было снять 12 кадров. Заняв свое место, я стал ждать.