Այս օրերին ամբողջ հանրապետությունը ուշի-ուշով հետևում է Քաջարանի հիվանդանոցում տեղի ունեցած հանցագործ անփույթության հետ կապված իրադարձություններին, երբ ծանր վարակիչ հիվանդությամբ` հեպատիտ “Ց”-ով են վարակվել բոլորովին անմեղ մարդիկ, հիվանդներ, որոնք եկել էին ձերբազատվելու մեկ այլ ախտից:

Սակայն տվյալ իրավիճակը կապված է բուժանձնակազմի /ավագ և կրտսեր/ խորը անգրագիտության հետ, ասեպտիկայի և անտիսեպտիկայի /վարակազերծման և կանխարգելման/ կանոններին չտիրապետելու հետ: Ախտազերծման համար պատասխանատու են` գլխավոր բժիշկը, նրա վիրաբուժության գծով տեղակալը, օպերբլոկից` վիրահատական բլոկի վարիչը, ավագ բուժքույրը, ախտազերծող բուժքույրերը, սանիտարկաները, օպերբլոկից բերված քսուքը հետազոտող լաբորատորիայի բժիշկները: Տվայալ  իրվիճակը առկա է, ոչ միայն Քաջարանում, այլ նաև այլ բուժհիմնարկներում` հիվանդանոցներում, ատամնաբուժարաններում, համաբուժարաններում և բախտի բերմամբ է, որ համաճարակ չի զարգացել: Օրինակ ատամնաբույժը ցանկացած նոր հիվանդին պետք է սպասարկի միջամտության պահին ստերիլիզատորից դուրս բերված հավաքածուով, որը մենք չենք նկատում աթոռակին պարկած լինելով:

Մտեք ցանկացած ատամնաբույժարան և հարցրեք քանի հիվանդ եք սպասարկել և քանի հատ հավաքածու ունեք, և կտեսնեք, որ հավաքածուները մոտ երեք անգամ պակաս են սպասարկված հիվանդների քանակից:Իզուր չէ, որ Առողջապահության նախարարը հրահանգել է ստուգել բոլոր բուժհիմնարկները` նա նույնպես վաղուց տեղյակ է իրավիճակին: Երևանում մեզ հաջողվեց ճշտել, որ տվյալ իրավիճակը առաջացել է միայն վերջին տարիներին, երբ ԵՊԲՀ նախկին ռեկտոր` Քյալյանի կողմից 2008 թ-ն փակվեց հանրապետությունում միակը մասնագիտորեն ասեպտիկա և հակասեպտիկա բուհերին, քոլեջներին և ուսումնարաններին ուսուցանոց ընհանուր վիրաբուժության ամբիոնը` տեղակայված 3-րդ հիվանդանոցում /Արամյանց ԲԿ/:

Դրա հետ մեկտեղ իրենց հմուտ գիտելիքները բժշկական հանրությանը մատուցելուց զրկվեցին մոտ 4 ամբինի պրոֆեսորներ և 4 դոցենտներ:Դրա փոխարեն բացվեց ԵՊԲՀ վիրաբուժության 4-րդ ամբիոնը, որը ասեպտիկա է ուսուցանում շատ մակերեսայնորեն և իմիջիայլոց: Մեզ նաև հաջողվեծ պարզել, որ վերջինիս ամբիոնի վարիչը` պրոֆ. Մուշեղ Միրիջանյանը իր տղայի` ԵՊԲՀ աշխատակազմի ղեկավար Գագիկ Միրիջանյանի հետ զբաղված է շնամարտեր կազմակերպելով և շան առուծախով: Գաղտնիք չէ, որ Հայաստանում` Եղվարդում, Դավթաշենում, Սարակապում, Չարենցավանում, Գյումրիում և այլն շնամարտերում ընդգրկված են բազմաթիվ խմբավորումներ, որը նրանց բերում է հսկայական եկամուտ /1 մարտը 10000-50000 դոլար/:

Պետք է նշել , որ բնապահպանները և ակտիվիստները նույնպես մտահոգված են այս խնդրով, որին  նաև դեկտեմբերի 16-ին անդրադարձել են որոշ լրագրողներ:

Այս ամենից կարելի է եզրակացնել, որ ասեպտիկա և ասեպտիկա առարկաների ուսուցանումը Հայաստանում պետք է նորից վերսկսել: Առաջին քայլը այս առումով պետք է լինի ընդհանուր վիրաբուժության ամբիոնի վերաբացումը 3-րդ հիվանդանոցի բազայի վրա, որի դրական ազդեցությունը մենք նախկինում ունեցել ենք և այսպիսի խայտառակ դեպքեր չեն արձանագրվել: Բուժկենտրոնների միջին բուժանձնակազմը պետք է նորից վերապատրաստվի, իսկ վիրահատական բլոկներում պետք է տեղադրվեն տեսագրող սարքեր:

Քաջարանի բնակիչներ`
Արման Գալստյան
Լիանա Գասպարյան