Մենք ունենք երկիրը ճիշտ ճանապարհով տանելու բացառիկ հնարավորություն՝ ճիշտ եւ խելամիտ քաղաքականության շնորհիվ։ Այս մասին հոկտեմբերի 2-ին խորհրդարանական ժամի ընթացքում հայտարարել է «Ծառուկյան» խմբակցության անդամ Միքայել Մելքումյանը։

Նա նաեւ հիշեցրել է, որ իրենց կուսակցության եւ գործող իշխանության միջեւ բավական լեգիտիմ համաձայնություն էր ձեռք բերվել, որ հաջորդ տարվա մայիս-հունիս ամիսներին Հայաստանում արտահերթ ընտրություններ պետք է անցկացվեն։

«Հիմա այդ ի՞նչ տեղի ունեցավ, որ համաձայնությունը մի կողմ դրեցին, եւ նոր առաջարկ է արվում։ Մենք դա պետք է քննարկենք, ռիսկերն ու կորուստները հաշվենք եւ գնանք նվազագույն կորուստների ճանապարհով»,- նշել է Մելքումյանը։

Նա իր գործընկերներին խորհուրդ է տվել համատեղ իրականացնել ավելի վաղ ձեռք բերված համաձայնությունները՝ երկրի ապագա զարգացումն ապահովելու համար։

Աղբյուր՝ news.am