Նոյեմբերի 6-ին Մեծ Բրիտանիայում` Լոնդոնում, ավարտվել է «WTM-Excel London-2014» միջազգային զբոսաշրջային ցուցահանդեսը, որին մասնակցություն է ունեցել ԼՂՀ պատվիրակությունը և իրականացրել լայնածավալ քարոզչություն՝ ներկայացնելով Արցախի զբոսաշրջային ներուժը: Այս մասին տեղեկացնում է ԼՂՀ կառավարությանն առընթեր զբոսաշրջության և պատմական միջավայրի պահպանության վարչությունը։
Տեղեկատվական նյութեր տարածելուց բացի` Արցախի պատվիրակությունը կազմակերպել է գինու համտես և ավանդական ուտեստների հյուրասիրություն:
Սակայն ինչպես միշտ ցուցահանդեսին մասնակից ադրբեջանական կողմը զերծ չի մնացել սադրանքներից. ցուցահանդեսի աշխատանքների երկրորդ և վերջին օրերին մի խումբ ադրբեջանցիներ դրոշներով շրջապատել էին Արցախի տաղավարը`փորձելով փակել մուտքը դեպի ԼՂՀ տաղավար:
Կարճ ժամանակ անց անվտանգության աշխատակիցները դուրս են բերել ադրբեջանցի երիտասարդներին:
