ՀՀ զինված ուժերի գլխավոր շտաբի պետի նորանշանակ տեղակալ, գեներալ-լեյտենանտ Մովսես Հակոբյանը, Բարձրաստիճան անձանց էթիկայի հանձնաժողով է ներկայացրել պաշտոնը ստանձնելու հայտարարագիրը:      

Մովսես Հակոբյանը հայտարարգրել է մեկ անհատական բնակելի տուն` հողամասի վրա կառուցված, իր տնտեսական շինություններով կառույց, մեկ հատ հասարակական նշանակության շինություն և մեկ հատ էլ բնակարան՝ բազմաբնակարան բնակելի շենքում: 

Հայտարարագրի «շարժական գույք» բաժնում Հակոբյանը գրառել է «RANGE ROVER SPORT Supercharged 4.2» մակնիշի ավտոմեքենա: Դրամական միջոցներ եւ փոխառություններ, 8 միլիոն դրամը գերազանցող թանկարժեք իրեր Մովսես Հակոբյանը չի հայտարարագրել: Մովսես Հակոբյանի նախկին՝ ԼՂՀ ՊԲ հրամանատարի պաշտոնում աշխատավարձը՝ հունվարի 1-ից մինչեւ հունիսի 15-ն ընկած ժամանակահատվածի համար, կազմել է 4,1 միլիոն դրամ:

Հիշեցնենք, որ Մովսես Հակոբյանը 2007-ից մինչեւ 2012 թվականները եղել է ԼՂՀ Պաշտպանության նախարարը: Իսկ այս տարվա հունիսի 15-ին Սերժ Սարգսյանի հրամանագրով նշանակվել է ՀՀ զինված ուժերի գլխավոր շտաբի պետի տեղակալ: