168.am-ը գրում է. «Ես գալիս եմ այն եզրահանգման, որ դատավարությունը գնում է միջազգային նորմերի համաձայն, և Արցախն այստեղ էլ ցույց է տալիս, որ ինքը՝ որպես ժողովրդավարական երկիր, նաև իր դատական իշխանության ձևավորման գործընթացքում առաջատարներից մեկն է, հատկապես՝ մեր տարածաշրջանում»,-այսօր նման տեսակետ է հայտնել  պաշտպանության նախարար Սեյրան Օհանյանը՝  Հանրակրթական դպրոցներում 2014-15 ուստարում Պատանի երկրապահ ակումբի ձևավորմանը և հայրենասիրական դաստիարակությանն ուղղված միջոցառումների ուղեցույց մեթոդական ձեռնարկի շնորհանդեսի ժամանակ՝ լրագրողերի հետ զրույցում՝ խոսելով ադրբեջանցի դիվերսանտաների դատավարության մասին: Նրա խոսքով՝ ադրբեջանցի դիվերսանտները պարտադիր իրենց պատիժը մեր երկրում պետք է ստանան: Խոսելով Ադրբեջանի և Հայաստանի նախագահների հանդիպման ժամանակ քննարկված անհետ կորածների ինֆորմացիայի փոխանակման մասին՝ նախարարն ասել է, որ այդ բնագավառում առաջընթաց ակնկալելը չափազանց դժվար է, քանի որ այս 2 երկրները միմյանց հետ շփվում են միայն միջազգային կառույցների միջոցով: Ս.Օհանյանը նշեց, որ նորից լարված վիճակ է սահմանում. «Այսինքն՝ կրակոցների թիվը շատացել է, եթե մեր հարևանները գիտակցեն, որ վստահություն պետք է լինի մեր երկու երկրների միջև, դրանից հետո մնացած հաջողությունները կլինի»: 

Առավել մանրամասն՝ սկզբնաղբյուր կայքում և տեսանյութում