ՀՀ կրթության և գիտության նախարար Արմեն Աշոտյանը ֆեյսբուքյան իր էջում «Ամառային դպրոց 2015»-ի շրջանակներում արված լուսանկար է հրապարակել` գրելով հետևյալը.
«Ֆինլանդիայից եկած ուսանողուհիներն ինձ հետ պարելու առիթը բաց չեն թողել»:
Հավելենք, որ ՀՀ կրթության և գիտության նախարար Արմեն Աշոտյանը մասնակցել է Աղավնաձորի ուսումնական բազայում կայացած «Ամառային դպրոց 2015» միջազգային ծրագրի պաշտոնական փակման արարողությանը:
Մանկավարժական համալսարանի, Հայաստանի երիտասարդական հիմնադրամի և ՀՊՄՀ-ի ուսանողական խորհրդի հետ համատեղ արդեն երրորդ տարին իրականացվում է Ամառային դպրոց ծրագիրը: Այս տարի փոխանակային ծրագրին մասնկացել են ուսանողներ ՀՊՄՀ-ից, Արցախի պետական համալսարանից, ՌԴ-ի Մոսկվայի քաղաքային հոգեբանակամանկավարժական, Սանկտ-Պետերբուրգի պետական տնտեսագիտական, Լիտվայի կրթական գիտությունների, Ֆինլանդիայի Օուլույի և Բելառուսի Մաքսիմ Տանկի անվան պետական մանկավարժական համալսարաններից` շուրջ 85 ուսանող:
